Durood Sharif ki Fazilat or Barkat

اعوذ باللہ من شیطان الرجیم بسم اللہ الرحمن الرحیم

"Durood Sharif" ke beshumar fazilat or barkate hai, ham is post ke andar thode se fazail or barkate likh rahe hai, "Durood sharif" ko padna ek bhut behtreen amal hai, or tamam wazifo se behtar Durood sharif ka wazifa hai.

Allah tala ne irhsad farmaya hai - "Innallaha wa malaikatuhu yu salluna alan nabiyyi ya ayyohal lazina aamnu Sallu alaihi wasallimu taslima".
Tarjuma (meaning) - Allah tala or uske farishte Nabi (Sallallahu Alaihi Wasallam) par durood bhejte hai, A Iman walo tum bhi unpar Durood bhejo.


Nabi e Karim Sallallahu Alaihi Wasallam ne farmaya jo shaksh mujh par ek (1) baar Durood bhejta hai to Allah tala us par 10 rahmate najil farmate hai.

Nabi e Karim Sallallahu Alaihi Wasallam ne farmaya jo shaksh mujh par ek (1) baar Durood bhejta hai to Allah tala us par 70 rahmate najil farmate hai.


Jab koi Shaksh jyada se jyada Nabi e Karim Sallallahu Alaihi Wasallam par Durood bhejta hai, Allah tala usko tamam ranj wa gam se bacha lega or gunah maaf farma dega.

Jab tak koi mujh (Nabi e Karim Sallallahu Alaihi Wasallam) par Durood bhejta rahe, us waqt tak Allah or uske farishte us par rahmat bhejte rahenge.

Nabi e Karim Sallallahu Alaihi Wasallam ne farmaya ki Jibrail Alaihissalam mere paas aae or mujh se farmaya, me tumhe basharat deta hu ki Allah tala farmata hai ki, jo Aap Sallallahu Alaihi Wasallam par Durood bhejega me bhi us par Durood bhejunga or jo Aap Sallallahu Alaihi Wasallam par salam bhejega me bhi us par salam bhejunga.


Kuch riwayato me yah bhi milta hai ki, jo Aap Sallallahu Alaihi Wasallam par ek (1) baar Durood bhejega to Allah tala us par 10 rahmate najil krega or uske 10 gunah maaf farma dega or uske 10 darje buland karega, or isi tarah 1 salam ke badle 10 salam Allah tala bhejta hai.

"Durood Sharif ki barkat" se duniya wa aakhirat ki tamam mushkile dur ho jati hai, bhut se Awliya Allah ka farman hai ki jo kuch hamne milta hai wo sab Aap Sallallahu Alaihi Wasallam par Durood Sharif bhejne ki wajah se mila hai. 


Nabi e Karim Sallallahu Alaihi Wasallam ne farmaya jo mere upar mohabbat or shok ke sath Durood bhejega me uske liye Qayamat ke din Shafiy hunga or wah 10 gulam aajad karne ka sawab paaega.

Nabi e Karim Sallallahu Alaihi Wasallam ne farmaya Allah tala ke farishte jamin par firte rahte hai, or meri ummat ke salam ko mujh par pesh karte rahte hai.


Hazrat Umar RadhiAllahu anhu farmate hai ki jab tak Nabi e Karim Sallallahu Alaihi Wasallam par Durood na bhejoge, tumhari Duae jaminn or aasman ke darmiyan latki rahengi, Durood Sharif padne se Dua kabool hoti hai.

Nabi e Karim Sallallahu Alaihi Wasallam ne irshad farmaya jo shaksh mujh par 10 baar Durood bhejega, Allah tala us par 100 rahmate najil farmaega, or jo 100 baar Durood padega wah Nifak or Dojakh se nijat hasil karega or Qayamat ke din Shahido ke sath hoga.


Allah tala ham sabko padne or sunne se jyada amal karne ki toufeek ata farmae, agar aap ko ya post acchi lagi hoto is post ko jarur Share kre or logo tak pahichane me hamri madad kare. 
Agar ham se kuch galti ho gai hai to Allah tala maaf farmae uske Habib(Sallallahu Alaihi Wasallam) ke sadke me.

Previous
Next Post »

Pani peene ki sunnat aur adab

Popular Posts