Ramadan ki fazeelat | ramadan 2019

اعوذ باللہ من شیطان الرجیم بسم اللہ الرحمن الرحیم


ramadan ki fazilat, rozo ki fazilat

- Allah ke rasul sallallahu alaihi wasallam ne irashad farmaya - nakam ho gya wo shaqs jisne ramadan ka mahina aakar chala gaya lekin wo apni maghfirat nahi karwa saka.

- Allah ke rasul sallallahu alaihi wasallam ne irashad farmaya - tum par ramadan aaya hai jo ek mubarak mahina hai.
- Allah ta'ala irshad faramata hai - ramadan wo mahina hai jisme quran nazil hua, jo logo ke liye hidayat hai or jsime hidayat ke liye or haq wa batil me farq karne ke liye nishaniya hai.

Roze ki fazilat | Ramdan mai rozo ki fazilat

- Allah ke rasul sallallahu alaihi wasallam ne irashad farmaya - jis ne iman or sawab ki niyat se ramadan kai roze rakhe uske pichle sare gunah maaf kar diye jate hai.

JANNAT EK RAAJ HAI.

- Allah ke rasul sallallahu alaihi wasallam ne irashad farmaya - Allah ta'ala har iftar ke waqt jahannam se kuch logo ko aazad karta hai or yah ramdan ki har raat hota hai.

- Allah ke rasul sallallahu alaihi wasallam ne irashad farmaya - roza dhal hai jiske jariye banda jahannam se apni hifazat karta hai.

- Allah ke rasul sallallahu alaihi wasallam ne irashad farmaya - roza dhal hai or jahannam se bachaw ke liye ek majboot kila hai.

ALLAH 4 LOGO KO KABHI JANNAT ME NAHI DALEGA

- Allah ta'ala farmata hai - Aie iman walo ! tum par roze farz kar diye gaye wese hi jese tumse pahle logo par farz kiye gaye the, taki tum taqwa ki raah ikhtiyar karo.

- Allah ke rasul sallallahu alaihi wasallam ne irashad farmaya - jisne bhulkar roze ki halat me kuch kha pee liya to apna roza pura kare kyoki use to allah nai khilaya pilaya hai.

- Allah ke rasul sallallahu alaihi wasallam ne irashad farmaya - jis ka khatma kisi din ke roze par ho wah jannat mai dakhil hoga.

QABAR KI PEHLI RAAT | WHAT HAPPEN'S IN FIRST NIGHT OF GRAVE

- Allah ke rasul sallallahu alaihi wasallam ne irashad farmaya - jannat mai ek darwaja "Rayyan" hai jis se kayamat ke din rozedar dakhil honge, uske siwa usse koi dakhil na hoga, kaha jaega : kaha hai rozedar ? wo khade honge or usme dakhil ho jaenge, unke dakhil hone ke baad darwaja band kar diya jaega fir us darwaje me koi dakhil na hoga.

- Allah ke rasul sallallahu alaihi wasallam ne irashad farmaya - teen (3) duaae kabol ki jati hai, 1 - rozedar ki dua, 2 - majloom ki dua , 3 - musafir ki dua.

- Allah ke rasul sallallahu alaihi wasallam ne irashad farmaya - jo kisi rozedar ko iftar karae uske liye us rozedar ke misl sawab hai lekin us rozedar ke sawab me koi kami nahi ki jaegi.

JANNAT KE 8 DARWAZO KE NAAM

- Allah ke rasul sallallahu alaihi wasallam ne irashad farmaya - maine jahannam jesi koi or chij nahi dekhi ki usse bhagna wala so gaya ho, or na jannat jesi koi chij dekhi jis ka talab karne wala so gaya ho.

Previous
Next Post »

Pani peene ki sunnat aur adab

Popular Posts