Shohar aur Biwi ka Rishta

اعوذ باللہ من شیطان الرجیم بسم اللہ الرحمن الرحیم


shohar aur biwi bayan

sabse aham "shohar aur biwi ka rishta" hota hai, Allah ne sabse pahle jo rishta banaya wo "shohar aur biwi ka rishta" tha, adam alaihissalam or hawwa alaihissalam, phir inhi ko maa baap banaya fir inhi ko saas-sasur banaya fir inhi ko dada-dadi banaya inhi ko nana-nani banaya, sabse aham or buniyadi "shaohar aur biwi ka rishta" hai, sabse pahla rishta bhi shohar aur biwi ka hai.

Allah ta'ala ne bhi jannaat mai "shohar aur biwi" ka joda banaya hai, yhi rishta hamesha ke liye hai, Allah ne quran sharif ki bhut si ayato me "shohar aur biwi" ke bare me bataya hai.

Allah ta'ala ne is rishte ko aham rishta banaya hai, shohar biwi ko izzat de aur biwi shohar ko izzat de, shohar biwi ki har huquq pure kare aur biwi har baat me sabr se kaam le.

Har rishte ka apna ek alag maqam hai har rishte ko izzat dena chahiye, maa-baap ko biwi ki wajah se jaleel na karo aur biwi ko maa-baap ki wajah se jaleel na karo, har rishte ko izzat do aur sabr se kaam lo, shohar biwi ko kis tarah se rahna chahiye yah hamare Nabi Sallallahu alaihi wasallam ne hame bata diya hai, hame hamare nabi paak ki "sunnat" par amal karna chahiye.

Aap Salllallahu alaihi wasallam ne har rishte ka maqam bataya, maa-baap, shohar-biwi, bhai-bahan, nawasa-nawasi, har rishte ke bare me tafseer se bataya hai, in sab rishto ke upar hadees sharif mojud hai aur khaas kar shohar aur biwi ke liye.

"Hadees sharif" - Aap Sallallahu alaihi wasallam ne irshad farmaya - jo tum khud khate ho unko (apni biwiyon ko) bhi khilao aur jese (acche) kapde tum pehnte ho unko bhi pahnao aur unko maro nahi aur bura na kaho ( yani unki insult na karo, gali na do ) . book - Sunan Abu Dawud

"Hadees sharif" - Aap Sallallahu alaihi wasallam ne irshad farmaya - koi momin mard, momin aurat, yani apni biwi se bugz (nafrat) na rakhe, kyoki use uski koi aadat na pasand hai to koi dusri pasand bhi hogi. book - muslim sharif

"Hadees sharif" - Aap Sallallahu alaihi wasallam ne irshad farmaya - Aur dastoor ke mutabiq tumhari biwiyon ki khuraq or poshaaq tumhare jimme hai. book - Sunan Abu Dawud


Na-Shukri wali Aurat 

Abdullah ibne abbas (radhiallahuanhu) se riyawat hai ki, Rasulullah sallallahu alaihi wasallam ne irshad farmaya - "mujhe dozakh dikhai gayi, mene waha aurto ko jyada paya, wajah yah he ki woh "kufr" karti hai". Sahaba e ikram ne arz kiya  -  kya woh Allah ke sath kufr (shirk) karti hai ?
Aap Sallallahu alaihi wasallam ne irshad farmaya nhi ! wo shohar ki "Na-Shukri karti hai" , jo ke ek tarah ka kufr hai aur ahsaan nahi manti, agar tu kisi aurat se umarr bhar ahsaan aur neki ka suluk kare lekin 1 baat bhi khilaf e tarbiyat ho jae to jhat se kah degi maine tujhse kabhi aaram or sukun nahi paya.

yah thi kuch "hadees sharif" hame chahiye ki hame hamare Nabi paak Sallallahu alaihi wasallam ki sunnto par amal karna chahiye aur rishte ko nibhana chahiye aur hamesha sabr se kaam lena chahiye.

Previous
Next Post »

Pani peene ki sunnat aur adab

Popular Posts