"Hoor" kise kahte hai ? hindi pdf

Bismillahhirrahmanirrahim
Hoor

"Hoor" ek esi aurat ka naam hai jo jannat ke andar milegi, jannat ke andar bhut sari hoor hai, jo bhi shaqs jannat mein dakhil hoga us shaqs ka nikah jannat ki hoor se hoga, hoor us ladki ko kahte hai jo dikhne mein bhut khubsurat, aankhe badi badi ho, baal lambe ho aur hoor ke andar koi aib nahi hota hai, hoor hamesha apne shohar ko khush karegi.

Hazrat ibne abbas radhiallahu anhu ne farmaya - jannat mein ek hoor hogi jise gudiya kaha jaega, jo 4 chijo se banai gayi hogi "mushq, ambar, kafur aur zafran" aur us hoor ki mitti "aabe hayat" se gundhi hui hogi, aur aziz wa karim zat ne use hukam diya "tayyar ho jao" aur wo hoor paida ho gayi, tamam hoore uski aashiq hogi, wah hoor agar ek baar samundar mein thuk de to samundar ka pani mitha ho jae, us hoor ke seene par likha hoga "jis shaqs ko muh jesi hoor chahiye use meere parwardigar ki ita'at wa farmabardari karna chahiye.


Jannat ki "Hoor"

Hazrat abu saied radhiallahu anhu se riwayat hai ki Rasulullah sallallahu alaihi wasallam ne farmaya - jannati jannat mein ek jagah par waha se hatne se pahle sattar(70) takiyo par tek lagae hoga, fir uske paas ek "hoor" (aurat) aaegi, naaz se uske kandhe (shouldar) par hath maregi, wah us hoor (aurat) ki taraf dekhega to use apna chehra (us aurat ke chehre mein) aayine (mirror) se jyada saaf shaffaf malum hoga.

Us "hoor" ke jism par kam se kam darje ka motee bhi esa chamakdar hoga ki wah purab aur pashchim ke darmiyan tamam hisso ko roshan wa munawwar karde, wah "hoor" (aurat) us jannati ko salam karegi, wah uske salam ka jawab dega aur usse puchega : tum kon ho ? wah kahegi: main aur jyada (ikram wa samman) mein se hu, us "hoor" (aurat) ke jism par sattar poshake hogi lekin fir bhi us jannati ki nigah uske jism tak pahuchegi, yaha tak ki use un poshako ke bahar se us aurat ki pindali ka guda nazar aaega.



us "hoor" (aurat) ne ese taaj pahne honge ki uska mamuli sa hira (diamond) bhi purab wa pashchim ke darmiyan har chij ko munavvar karde.

Hazrat anas radhiallahu anhu ne farmaya : Rasulullah sallallahu alaihi wasallam ne farmaya hai - Allah ke raste mein ek subah ya ek sham ka niklana duniya aur jo kuch usme hai sabse behtar hai.

Aur agar jannat ki "hooro" (aurato) mein se ek aurat zamin ki taraf jhank le to dono ( yani jannat aur duniya ya aasamn wa zamin ) ke darmiyan ka hissa sab roshan ho jae aur un dono ke darmiyan khusboo mahak jae, aur uske sar ka duppata duniya aur jo kuch usme hai sabse behtar hai.

Jannat mein Moti ka Ghar

Allah ke raste mein nikalne par itna azim sawab milta hai jiske mukable mein tamam duniya behaqiqat hai, "jannat ki hoor" (aurat) esi khubsurat hogii uske jamal se sara jahan roshan ho jae, jiske jism ki khusboo aur dupatte ka yah haal hai khud wah kis kadar hasin hogi, iska andaja is duniya mein nahi lagaya ja sakta.

Previous
Next Post »

"muslim suhagrat" detail

Popular Posts