Kayamat ke din Hafiz-e-Quran kitne logo ki shafa'at karega ?



Bismillahhirrahmairrahim.

Sawal - Kyamat ke din "Hafiz kitne logo ko shafa'at karega" aur uske "maa baap" ko kia ajr sawab milega ?

Jawab - Ba amal haifz-e-quran kayamat ke din apne khandan ke 10 afaraad ki shafa'at karega, aur uske walidain ko esa noorani taj pahnaya jaega ki jiski roshni suraj ki roshni se jyada acchi hogi.

hadees sharif - Hazrat ali radhiallahu anhu se riwyar hai ki - Nabi e karim sallallahi alaihi wasallam ne irshad farmaya - jis ne quran padha aur isko yad kar liya, is ke halal ko halal samjha aur haram ko haram jana allah ajjwazal use dakhile jannat farmaega aur uske ghar walo mein se 10 shaqso ke bare mein shafa'at kabool farmaega, ji par jahannam wajib ho chuka tha.

hadees sharif - Hazrat e sayyiduna Abdullah bin Amr bin Aas radhiallahu anhu se riwayat hai ki - Nabi e karim sallallahu alaihi wasallam ka farman e aalishan hai - Hafiz-e-quran se kaha jaega ki quran e paak ki tilawat karta ja aur jannat ke darjat tay karta ja aur thahar thahar kar padh jaisa ki tu duniya mein padha karta tha tu jahan aakhiri aayat padhega wahi tera thikana hoga.

hadees sharif - Hazrat e syyiduna Abu suleman khattabi radhiallauhu anhu farmate hai - riwayat hai ki quran ki ayato ki tadad jannat ke darjat ke barabar hai, lihaja "Qari" se kaha jaega ki tu jitni aayte padh sakta hai utne darje tay karta ja to jo us waqt pura quran e paak padh lega woh jannat ke intihai darje ko paa lega aur jis ne quran ka koi hissa padha to uske sawab ki inteha kiraat ki intiha tak hogi.

Hadees from book -  WaliAllah ki pahchan (dawat-e-islami)

Previous
Next Post »

"muslim suhagrat" detail

Popular Posts