Shab e qadr ki raat ki nawafil

Bismillahhirrahmairrahim.


"Shab e qadr" ek mubarak raat hai, jo ramzan mubarak ke aakhri ashre mein hoti hai, us raat ki ibadat ek hazar mahine ki ibadat se bhi behtar hai, isliye "shab e qadr" bahut hi fazilat wali raat hai, lihaza shab e qadr mein jyada se jyada nawafil aur zikr e ilahi karna chahiye.

Hum aapko batane wale hai ki "shab e qadr" ki raat mein kaise namaz padna chahiye.

shab e qadr ki raat ki nawafil

Shab e qadr ka sawab hasil hoga.
- 2 rakaat namaz is tarah se padhe ki Surah fatiha ( alhamdo sharif ) ke baad "Inna anzalna" 1 baar, surah ikhlas ( kul howallahu ahad ) 3 martaba padhe to us shaqs ko shab e qadr ka sawab hasil hoga, aur sawab hazrat idrees, hazrat shoaib, hazrat ayyub, hazrat daud, hazrat nooh alaihis salam jaisa sawab ataa hoga, aur usko 1 shahar jannat mein diya jaega jo mashrik se maghrib tak lamba hoga.


Magfirat milna
- Hazrat Sallallahu alaihi wasallam ne irshad farmaya -  jo shaqs shab e qadr mein 2 rakat namaz padhe, har rakat mein surah fatiha ( alhumdo sharif ) ke baad 7 martaba surah ikhlas ( kul howallahu ahad ) padhe, namaz khatam hone ke baad "Astagferullahal azimallazi la ilaha illa howal hayyul kayyumo wa atubu ilaihi" 70 martaba padhe, to yah apne musalle se nah uthega ki allah ta'ala us ke aur uske waliden ke gunaho ki maghfirat farma dega, aur allah ta'ala farishto ko hukam dega ki uske liye jannat mein mewo ke darakht lagate rahe, mahal tameer karte rahe, nahre banate rahe, yah padhne wala jab tak unko apni aamkh se na dekh lega jab tak usko mout nahi aaegi.


Jannat mein mahal milna.

- jo shaqs 4 rakat padhe - har rakat mein baad alhamdo sharif ek (1) baar aurah takasur ( al hakomuttakasur ) aur surah ikhlas ( kul howallahu ahad ) 3 martaba padhe, is tarah se nama padhne se us par mout ki sakhti aasan hogi, azab e qabar utha liya jaega, usko jannat mein 4 satoon milenge jinke har satoon par hazar mahal honge.


Har Dua Qabul hogi.

- jo shaqs sattaisve shab ramzan ko 4 rakat padhe, har rakat mein baad surah fatiha (alhamdo sharif ) ke "inna anzalna" 3 martaba padhe aur surah ikhlas ( kul howallahu ahad ) 50 martba padhe, namaz khatam hone ke baad "subhanallahi walhamdolillahi wala ilaha illallahu wallahu akbar" padhe jo dua mange qabul hogi.


Jannat mein hajar mahal milenge.
- jo shaws sattaisvi shab (27) ramzan mein 4 rakat padhe, har rakat mein surah fatiha ( alhamdo sharif ) ke baad "inna anzalna" 1 baar "surah ikhlas" ( kul howallahu ahad ) 27 martaba padhe, jo shaqs is tarah se namaz padhega gunaho se esa paak ho jata hai jese abhi paida hua hai aur usko jannat mein hazar mahal milenge.


Hazrat Ali radhiallahu anhu farmate hai - jo shaqs shab e qadr mein baad namaz e isha 7 martaba "inna anzalna" padhe, har musibat se nijat mile, hazar farishte uske liye jannat ki dua karte hai.

Shab e qadr ki dua - "Allahhumma innaka afuwwun karimun tohibbul afwa fa'afo anni ya gafuro ya gafuro ya gafur".

Previous
Next Post »

Pani peene ki sunnat aur adab

Popular Posts